Nanhe nahe kadmo se, Ek lambe safar par kuch yoo chal diya
Ki khushi wali uss hansi ko, Naa jane jeevan ke kis kone me kho diya.
Wo jo aati thi dadi ke jhula jhulane par,
Jo hoti thi dadaji ke ghoda ban jane par
Badlon me chaand si gum jo ho jati,
Pitaji ke gusse ki bas aahat si aane par.
Iss badhti umar ke sath sath, Jaise sare rishton ne ehsas sa kho diya.
Ki khushi wali uss hansi ko,Na jane jeevan ke kis kone me kho diya.
Chuppan chuphai ka khel khelati rahi,
Jo jeevan ke har mod par mere sath main
Kabhi bujhati aur kabhi jo jalti rahi,
Maa-baba ke dwand ki har uss raat main.
Uss dwand main maa baba kabhi na sun paye, jo kuch maine apni khamoshi me keh diya.
Ki khushi wali uss hansi ko, na jaane jeevan ke kis kone me kho diya.
Ki bachpan wali neend jab se khuli hai,
Jeevan ki har raat bas karwanton se mili hai.
Chote se kandhon par hazaron sapno ka bojh liye,
Pal pal imtehan k beech thodi si jindagi udhar si mili hai.
kalam uthakar aaj iss kore kagaz pe, apni sari yaadon ka sandook maine bas khali sa kar diya,
Ki khushi wali uss hansi ko, na jane jeevan ke kis kone me kho diya.
पंक्तियाँ जीवन की 