Lamha lamha kar yu hi,
Ye haseen karwan bhi gujar jayega
Aur ye dil ek din bas,
Yaadon ki almaari ban jayega…
Teen manjila school ki, wo kathe ki seedhiyan,
Jo lagti thi hum ko kabhi, nanhe pairon ki bedhiyan
Aadhi chutti me bajne wali wo peetal ki ghantiyan
Aur fir yaaron sang hone wali wo massom si mastiyan
Kaun janata tha un bedhiyon ki khatir, ye man fir se taras jayega
Aur ye dil ek din bas, yaadon ki almari ban jayega
Onjhal bhavishya ke ek khayal se, raat bhar neend na aana,
Lekin bas uk chehare ko dekhane, roj sabere daftar jaldi aa jana
Fir Shaam ki chai par, un doston k sath khoob gappe ladana,
Aur uske chehare pe shaam ki lali dekh, man hi man muskurana
Kabhi na socha tha ki wo ek chera, mere man ka darpan ho jayega
Aur ye dil ek din bas, yaadon ki almaari ban jayega.
Sach kehate hain log ki jeena aaj me hi chahiye,
Lekin kabhi kabhi yaadon ki almaari dekh muskura b lena chahiye
Sapne pure karne ki hodd me lage is bhatake hue man ko,
Aaj fir sukoon wali wahi ek shaam chahiye
Behtar hota hai kabhi kabhi tehar bhi jana, sapno ka toh karwan chalta hi jayega
Aur ye dil ek din bas yaadon ki almaari ban jayega.
पंक्तियाँ जीवन की 